Stórhóll
Vörur í boði
Um Stórhóll
Stórhóll er staðsettur í fyrrum Lýtingsstaðahreppi í Skagafirði, við veg #752 um 20 km í suður frá Varmahlíð. Stórhóll er lítil jörð um 50 ha. Á býlinu er búið með sauðfé, geitur, hross, endur, hunda, ketti og stöku kanínu.
Mikið af afurðum býlisins eru unnar og seldar í Rúnalist Gallerí sem er lítil sveitabúð á Stórhól. Kjötafurðir eru unnar í Vörusmiðju BioPol á Skagaströnd, ull og geitafiða er spunnin af Uppspuna Smáspunaverksmiðju og annað er unnið heima á býlinu.
Í Rúnalist Gallerí býðst fjölbreytt matvara Beint frá býli, frá Stórhól og öðrum býlum. En einnig fjölbreytt listhandverk, nytjavara og mynjagripir, sem framleitt er á býlinu eða fyrir býlið. Geitastökur, Geitaband, Sauðaband og prjónauppskriftir, myndverk, prjónavörur og margt fleira. Við kappkostum að vinna eins mikið úr okkar eigin hráefni og kostur er.
Gegn vægu gjaldi tökum á móti fólki, sýnum þeim geiturnar okkar og segjum af þeim sögur, kynnum tóvinnubrögð og fleira skemmtilegt úr ranni bóndans. Oft eru einnig hvolpar eða kettlingar á bænum. Hægt er að panta húsdýraheimsókn og/eða smakk af Bændabakka smá sýnishorn af afurðum býlissins.
Hægt er að panta dýraheimsókn og smakk af Bændabakka fyrir hópa allt að 20 manns.
Okkur er einnig að finna á
https://www.facebook.com/storholl
https://www.facebook.com/RunalistGalleri
