Háafell

320 Borgarnes

Opnunartími

1. júní til 31. ágúst frá kl. 13-18 og allt árið eftir samkomulagi.

Pantanir

Vörur í boði

Geitaafurðir

Húðkrem og sápur úr geitamjólk og tólg, Nuddolíur, Kiðlingakjöt, Geitakjöt, Geitaostar, Geitastökur (skinn) og handverk úr geitaskinni, Varasalvar, Handgerðar sápur, Handkrem

Fuglaafurðir

Egg

Jurtir

Fíflahunang

Um Háafell

Ábúendur á Háafelli eru hjónin Jóhanna B Þorvaldsdóttir og Þorbjörn Oddsson.

Við tókum við búi af foreldrum Jóhönnu árið 1989 og bjuggum fyrst með blandað bú, kýr og kindur. En síðan 2004 hefur aðaláherslan verið lögð á geitfjárrækt.

Við eigum sex börn sem flest eru uppkomin og tvö barnabörn svo það er oft fjör á bænum.

Áhuginn fyrir geitunum var í byrjun mestur á verndun og viðhaldi þessara skemmtilegu dýra sem eru í mikilli útrýmingahættu vegna fæðar og almenns áhugaleysi fyrir þeim til margra ára. En nú er orðin breyting þar á til hins betra og áhugi almennings fyrir geitunum og afurðum þeirra hefur stóraukist á síðustu árum. Gæði og hollusta geitamjólkurinnar hefur líka heillað mig til margra ára og tel ég mjög mikilvægt að þessar afurðir séu aðgengilegar fyrir almenning.

Geitfjársetur var formlega opnað á Háafelli 21. júlí 2012 og hefur það fengið frábærar móttökur og gestum fjölgar á milli ára. Margir eiga orðið hér fósturgeitur sem þeir koma og heimsækja og leggjum við mikið upp úr að fræða gesti um sögu geitanna og um afurðir þeirra. Á bænum eru 185 vetrarfóðraðar geitur og á sumrin bætast við hátt í 200 kiðlingar. Hér eru einnig 30 kindur 6 hestar, landnámshænur og silkihænur. Tveir hundar og fjórar kisur.

Við tökum á móti öllum sem vilja kynnast íslensku geitinni og afurðum hennar bæði einstaklingum og hópum. Í Geitfjársetrinu er lítil verslun, góð móttökuaðstaða og afþreying fyrir börnin.

Á Háafelli er einnig rósagarður með um 180 tegundum rósa ásamt öðrum yndisgróðri.

Bendum við á Facebókarsíðuna Geitfjársetur