Sölvanes

Sölvanes er lífrænt sauðfjárbú á Fremribyggð í Skagafirði, 20 km sunnan við Varmahlíð við veg 752. Á staðnum er einnig gistihús fyrir 10 manns þar sem hægt er að fá uppbúin rúm eða svefnpokapláss ásamt morgunmat ef óskað er. Við bjóðum upp á sveitaheimsóknir allt árið um kring fyrir einstaklinga og hópa. Þá er hægt að fræðast um sveitina, skoða kindurnar og og jafnvel fleiri dýr og fá kaffisopa eða kakó á eftir. Heimsóknir þarf að panta fyrirfram. Verið velkomin!

Við seljum ýmsar afurðir úr lambakjöti, t.d. læri, prime og grillsneiðar. Úr ærkjöti er hægt að fá gúllas, hakk, bjúgu, kjötfars og hangikjöt. Einnig er hægt að panta lambsskrokka í tengslum við sláturtíð, þar sem kjötið er sagað og vacumpakkað að óskum hvers og eins. Hægt er að panta folaldakjöt, í fjórðungum eða úrbeinað. Vinnslan er í smáum stíl en endilega hafið samband varðandi vöruframboð hverju sinni. Lamba- og ærkjötið er fullmeyrnað og unnið af bændunum sjálfum í Vörusmiðju Biopol á Skagaströnd.

Fyrirspurnir um vörur, gistingu eða heimsóknir má senda á: [email protected]

Einnig er hægt að panta gistingu á heimasíðunni okkar www.solvanes.is