Laxárdalur

Í Laxárdal í Skeiða- og Gnúpverjahreppi er rekið lítið fjölskyldu svínabú. Hörður Harðarson og María Guðný Guðnadóttir hófu þar rekstur árið 1978 og nú hafa sonur þeirra Björgvin Þór og Petrína Þórunn eiginkona hans gengið til liðs við þau. Bændurnir rækta hveiti, bygg og repju til að fóðra grísina og er þvi fóðrið sem þeir eru aldir á að mestu leyti íslenskt fóður.

Í júlí 2018 opnuðum við litla kjötvinnslu og er hún staðsett við Tvísteinabraut í Árnesi. Við vinnum sjálf kjötið í neytendaumbúðir. Við erum með mikið vöruúrval. Selt er undir vörumerkinu "Korngrís frá Laxárdal".

Sláturfélag Suðurlands sér um slátrun á grísunum.

Á miðvikudögum er kjöti keyrt út á höfuðborgarsvæðinu og hægt er að fá kjötið heim að dyrum sé þess óskað.

Upplýsingar um vinnslumöguleika og aðrar upplýsingar er að finna á "Korngrís frá Laxárdal" á facebook. Pantanir og fyrirspurnir óskist sendar á messenger hjá Korngrís frá Laxárdal