Hreppamjólk er frá Fjölskyldubúinu Gunnbjarnarholti, þar sem kýrnar búa við fyrsta flokks atlæti og njóta þess að vera til.

Fjölskyldubúið Gunnbjarnarholti vill færa mjólk og mjólkurvörur beint til neytenda, upprunamerktar og rekjanlegar beint í búið okkar. Það styrkir tengingu milli dreifbýlis og þéttbýlis og von okkar er sú að viðskiptavinir okkar kunni að meta það. Hreppamjólk er gerilsneydd og ófitusprengd úrvalsmjólk frá Fjölskyldubúinu í Gunnbjarnarholti, þar sem kýrnar búa við fyrsta flokks atlæti og njóta þess að vera til. ‍ Hreppamjólk er hrein vara og eins nálægt upprunanum og hægt er, en allar vörurnar okkar eru unnar úr mjólk sem framleidd er á Fjölskyldubúinu. Þær eru allar upprunamerktar og hægt að rekja beint í Gunnbjarnarholt. Þannig myndum við áþreifanlega tengingu milli bónda og neytanda, dreifbýlis og þéttbýlis.

Hreppamjólk er seld í lausu í sjálfsala í Krónunni Granda, Lindum og Selfossi. Með því leggjum við okkar af mörkum til að hvetja fólk til að nota fjölnota umbúðir og höldum mjólkinni eins ferskri og hægt er. Hreppamjólk er einnig fáanleg á flöskum í verslun Landstólpa í Gunnbjarnaholti. Einnig eru framleiddar ýmsar mjólkurvörur og er Hreppamjólk í stöðugri vöruþróun. Allar vörurnar fást í helstu Krónuverslunum á höfuðborgarsvæðinu, Akureyri, Selfossi og Reykjanesbæ.