Gunnarsstaðir

Sillukot er lítið fjölskyldufyrirtæki á Gunnarsstöðum í Þistilfirði þar sem stunduð er sauðfjárrækt, rekin lítil sápu- og kertagerð ásamt því að reka Gallerí Sillukot.

Í Gallerí Sillukoti eru seldar vörur framleiddar á Gunnarsstöðum s.s. Sælusápur, ilmkerti og varasalvar. Einnig er til sölu handverk og hönnun af svæðinu.

Sælusápur eru handgerðar gæða handsápur framleiddar úr náttúrulegum hráefnum. Lögð er áhersla á að nýta hráefni úr heimabyggð svo sem tólg og villtar jurtir. Vörurnar eru án rotvarnarefna og annarra aukaefna. Sápurnar eru úr blöndu af tólg, ólífu-, kókos- og repjuolíu.
Litarefnin eru náttúruleg steinefni og ilmolíur frá viðurkenndum framleiðanda.

Kertin eru gerð úr íslenskri tólg sem unnin er úr lambamör hjá Stóruvöllum ehf. í Bárðardal. Til viðbótar er notast við sojavax, ilmolíur, stearin og kertalit. Kerti úr tólg brenna með hægari og daufari loga en hefðbundin kerti og endast því vel.

​Varasalvarnir eru úr náttúrulegum hráefnum, án vaselíns. Í þá eru einungis notaðar gæða olíur og vax; meðal annars kókosolía og býflugnavax. Í varasalvana er e-vítamín notað sem náttúrleg þráavörn. Hægt er að fá varasalva með eða án bragðefna.