Aðalfundur Beint frá býli 2018

Aðalfundur Beint frá býli, félags heimavinnsluaðila verður haldin 14. apríl 2017 að Brjánslæk á Barðaströnd ( Gamla íbúðarhúsinu hjá Halldóru Ragnarsdóttur og Jóhanni Ágústssyni ) og hefst klukkan 13:00.  ( 12:30 verður boðið uppá smá hressingu fyrir fund).

Dagskrá aðalfundar:

1. Fundarsetning.

2. Kjör fundarstjóra og fundarritara.

3. Ávörp gesta.

4. Erindi:  

a) Óli Þór Hilmarsson frá Matís er með kynningu á nýju netnámi sem opnað var fyrir aðgang að fyrir skömmu, Matís fræðsla eða www.matis.online.com  einnig mun hann fara yfir nýgerðan samning á milli Matís og BFB og fl.

b) Oddný Anna Björnsdóttir, frá Matarauði Íslands, kynnir niðurstöður þarfagreiningar fyrir Beint frá býli, sem stjórn lét vinna nú í vetur 

5. Skýrsla stjórnar félagsins um starfsemina á liðnu ári.

6. Endurskoðaðir reikningar félagsins fyrir síðastliðið ár lagðir fram til afgreiðslu.

7.Umræður um skýrslu formanns og reikninga.

8. Kosning aðalstjórnar og varastjórnar.

9. Kosning tveggja skoðunarmanna.

10. Árgjald ákveðið.

11. Önnur mál sem félagið varðar, t.d. afmælisárið.

Stefnt er að því að fundi ljúki um kl 17-17:30 og eftir það verður farið í kynnisferð með húsráðendum um nýbyggða kjötvinnslu og fl.

Að fundi loknum verður boðið uppá kvöldverð í boði félagsins að Brjánslæk.

Hver og einn sér um að útvega sér gistingu á eigin vegum.  Hótel West á Patreksfirði býður 10% afslátt og takið fram við bókun að þið séuð á aðalfundi Beint frá býli.

Hafið samband á stay@hotelwest.is eða 4565020 og það er Sigríður Björg Gísladóttir sem er í forsvari. Í boði eru bæði eins og tveggja manna herbergi og morgunmatur er innifalinn ☺

Með von um að sem flestir sjái sér fært að mæta og eiga góða stund saman.

Allir velkomnir.

Stjórnin. 

 

  

23 

Eru nýjar reglur um lítil matvælafyrirtæki og hefðbundin matvæli til hagsbóta.

Ný reglugerð um lítil matvælafyrirtæki og hefðbundin matvæli tók gildi 17. okt. 2016. Markmið reglugerðarinnar átti að að auka sveigjanleika í lítilli og hefðbundinni matvælaframleiðslu til að auðvelda framleiðendunum að uppfylla kröfur matvælalöggjafarinnar.

Reglugerðin felur fyrst og fremst í sér reglur fyrir lítil sláturhús. Nýjungar fyrir lítil matvælafyrirtæki þar sem vinnsla matvæla er hliðarbúgrein með annarri starfsemi eru svo óverulegar að þær breyta raunverulega mjög litlu.. Hún veitir óverulegan afslátt af  hollustuháttareglugerðum og viðurkennir framleiðslu séríslenskra hefðbundinna matvæla, s.s. reykingar á kjöti í litlum reykhúsum úr náttúrulegum efnum (torfkofum), þurrkunar á fiski í hjöllum og trönum og hefðbundinnar verkunar á hákarli. En framleiðsla á hefðbundnum matvælum er atriði sem flest önnur Evrópuríki leggja ríka áherslu á að varðveita en hér hefur stofnunin dregið lappirnar eins og hún hefur getað og nánast unnið á móti. Einnig er viðurkennt að lítil sláturhús þurfi ekki að uppfylla sömu kröfur og stór og regluverkið aðlagað aðeins.

Ekki eru gerðar neinar reglur fyrir litlar mjólkurvinnslur, einhverra hluta vegna virðist MAST gera þeirri framleiðslu erfitt fyrir,  og er nánast ekki í myndinni að gera þeim kleift að starfa á eðlilegum grunni. Hefur stofnunni tekist að ganga þannig fram að vinnsla á sauðamjólk og afurðum úr henni hefur lagst af, að minnsta kosti um sinn.  Þó fékk  MAST nú  nýlega reglugerð sem gerir þá sem framleiða vilja sauða- eða geitamjólk starfleyfisskylda. 

 Umræddur sveigjanleiki byggist á heimildum reglugerða Evrópusambandsins um hollustuhætti sem varða matvæli og skipulag opinbers eftirlit með dýraafurðum (reglugerð nr. 103/2010, 104/2010 og 105/2010). Þær heimila allar ákveðinn sveigjanleika og aðlögun að kröfum reglugerðanna án þess þó að koma í veg fyrir að markmiðum þeirra verði náð. En sá sveigjanleiki hefur ekki verið til staðar hér og reglugerðinni beitt með fullum þunga á smáframleiðendur og gerðar sömu kröfur á þá og stórframleiðendur.

Helstu atriði í reglugerðinni eru:

* Ekki er skylt að kljúfa fyrir heilbrigðisskoðun skrokka af ákveðnum     dýrum í sláturhúsum

* Ákvæði um geymslur fiskmarkaða

* Smá sveigjanleiki fyrir litlar kjöt- og fiskvinnslur, litlar       eggjapökkunarstöðvar og litlar matvælavinnslur

* Ekkert sem snýr að litlum mjólkurvinnslum nema magntölur.

* Kröfur fyrir lítil sláturhús

* Viðurkenning á litlum reykhúsum. 

* Ákvæði um hefðbundna þurrkun á fiski

* Ákvæði um verkun á hákarli

Með innleiðingunni átti að fara  að fordæmi annarra Evrópuríkja sem hafa notfært sér þessar heimildir fyrir hefðbundna matvælaframleiðslu í sínum löndum.En það hefur ekki tekist nema að litlu leiti. 

Þá var Beint frá býli boðið að gefa umsögn um reglugerðina, og var engin af athugasemdunum sem gerð var tekin til greina.

 gjg

• Reglugerð nr. 856/2016 um lítil matvælafyrirtæki og hefðbundin matvæli