Beint frá Býli | Félag heimavinnsluaðila

Fréttir

Slow Food - Norræn þátttaka á Terra Madre/Salone del Gusto í október 2012

Stofnuð hefur verið formleg deild Slow Food sem heitir Slow Food i Norden (á ensku: Slow Food in the Nordic Countries) þar sem öll löndin, þar með talin Færeyjar, Grænland eiga aðild að. Félagið verður skráð strax eftir áramót í Kaupmannahöfn (þægilegra að skrá svona félag þar og gjaldkerinn verður að öllum líkindum Dani) og í stjórninni sitja meðlimir frá öllum Norðurlöndum, allt gert í sjálfboðavinnu: Katrine Klinken í Danmörku verður líklega formaðurinn, ég (Dominique Plédel Jónsson) hef tekið að mér að vera ritari, svo er Paal Drönen fyrir Noreg, Mogens Bisgaard fyrir Danmörku, Jarme Ako fyrir Finland (útskrifaðist í ár frá University of Gastronomic Sciences í Pollenzo, N-Ítalíu http://www.unisg.it/welcome_eng.lasso ), Bengt Christiansen (Skaane) og Gert Anderson (Jämtland) fyrir Svíþjóð.
Lesa meira

Skoða allar fréttir

Lagaumhverfi heimavinnslu landbúnaðarafurða á Íslandi

Með þessari skýrslu er nú lokið að skýra lög og reglur ESB til samræmis við íslenskar reglur um heimavinnslu og sölu matvæla, og gera tillögur um rýmkun reglna um heimavinnslu og slátrun. Áður var lokið við að kanna hvernig verðlagningu á heimteknum afurðum er háttað hjá afurðastöðvum. Ég vil lýsa ánægju minni með það að þessum verkefnum er lokið og er það von mín að ofangreind atriði verði lærðum og leiknumskýrari og auðskiljanlegri.

Heimavinnsla snýst um að auka tekjur búsins með meiri vinnslu afurða, allt frá því að láta saga kjöt eftir óskum neytandans og upp í það að fullvinna afurðina til neyslu, þannig að sem mest af framlegðinni verði eftir hjá bóndanum sjálfum. Ég leyfi mér að fullyrða að markmið allra þeirra sem heimavinnslu stunda sé það að framleiða gæðavöru á verði sem allir geta verið sáttir við
Skýrsla þessi er samin með það í huga að upplýsa heimavinnsluaðila og neytendur um stöðu þessara mála og koma af stað upplýstri umræðu milli heimavinnsluaðila og stjórnvalda í þeim tilgangi að ná fram samstöðu um þessa tegund framleiðslu og sanngjörnum reglum til að vinna eftir. Ekki síst í ljósi þess að gert er ráð fyrir að settar séu landsreglur um þá framleiðslusem falla utan gildissviðs reglugerðarinnar. Áréttaþarf aðskilið er eftir rúm til túlkunar sem vinna þarf sameiginlega að og ætti það að vera samstarf á milli BFB, MAST og MATÍS að gera það og koma á sanngjörnum landsreglum um heimavinnslu

Jólamarkaðurinn 10. des. 2011.

Í tilefni hins alþjóðlega Terra Madre degi ( dagur móður jarðar – sjá slow food) héldu Búrverjar í samstarfi við Beint frá Byli hinn glæsilegasta jólamatarmarkað. Markaðurinn var haldin fyrir utan verslunina Búrið í Nóatúni 17 þar sem stórt tjald, hitalampar og rjúkandi heitt súkkulaði hélt gestum og söluaðilum heitum. Yfir 20 bændur og framleiðendur mættu með vörurnar og úrvalið var hið glæsilegasta. Jólakræsingar í forréttin, aðalréttin og eftirréttin voru þar á boðstólum.

Viðtal við Hlédís um markaðinn má heyra hér
Myndir frá markaðnum má sjá hér og Hér,
einnig er myndskeið frá markaðnum hér

Heimavinnsla bænda og íslenskir bændamarkaðir.

Draumsýn eða raunverulegur möguleiki?

Þessi ritgerð fjallar um möguleika sem eru fyrir henditil aðþróa og koma á fót bænda- mörkuðum hér á Íslandi eins og tíðkast víða erlendis. Hugmyndin er fengin frá bresku samtökunumFARMA sem eru regnhlífarsamtökbeinsöluaðila í Bretlandi og hafa átt einna stærstan þátt í því að koma slíku á fót þar á undanförnum 30 árum.

Íslensku samtökinBeint frá býli hafa það aðmarkmiði að auka heimavinnslu og beinsölu bænda. Ætlunin með þessari ritgerð er að skoða hvernig Beint frá býli gæti komið að því að koma á fót slíkum mörkuðum hérlendis. Ritgerðinni er ætlað aðsýna fram á þann virðisauka sem bændur fá við að vinna sínar afurðir sjálfir og selja á bændamörkuðum. Skoðaðir verða útreikningar því til stuðnings, sem sýna fram á þann virðisauka sem neytendur munufá með lægra verðiog meiri gæðum. Beint frá býli hefur það markmið að meginstefna hvers framleiðanda séað bjóða upp á mat úr héraði. Bændamörkuðunum er ætlað að vera vettvangur fyrir bændur og búalið til að markaðssetja sína svæðisbundnu vöru með þeim sérkennum sem henni fylgja.

Ætlunin erað sýnafram á hvernig best verði staðið að því að starfrækja bændamarkaði víðs vegar um Ísland í samvinnu við Beint frá býli, sem yrði þá um leið hagsmunasamtök þeirra sem að slíkum mörkuðum koma. Beint frá býli gæti orðið samnefnari í samskiptum við hið opinbera og þá aðila sem skiptaþurfa við bændur vegna nýrra atvinnuhátta heima á bæjum. Tækifærin eru fyrir hendi og íslenskir bændur þurfa að grípa þau sjálfum sér og sínu héraðitil framdráttar.

Upp í sveit 2011 kominn út!

Bæklingurinn var kynntur á sýnungunni Íslandsperlur sem var í Perlunni. Þar kynnti Beint frá býli starfsemi sýna og gafst fólki kostur á að smakka á afurðum beint frá býli. Myndir frá sýnungunni má sjáhér.

Í bæklingnum er einnig að finna upplýsingar fyrir þá sem vilja bragða á heimatilbúnum afurðum Beint frá býli eða kynnast sveitastörfum í gegnum verkefnið Opinn landbúnaður. Vorið 2009 tók Ferðaþjónusta bænda höndum saman við félagsskapinn Beint frá býli og verkefnið Opinn landbúnað sem er í umsjón Bændasamtaka Íslands. Markmiðið er að koma á framfæri því besta sem sveitin hefur upp á að bjóða fyrir ferðamenn.
Í bæklingnum eru upplýsingar um 165 ferðaþjónustubæi innan vébanda Ferðaþjónustu bænda um land allt sem bjóða upp á fjölbreytta gistingu, afþreyingu við allra hæfi og máltíðir að hætti heimamanna. Gistingin er fjölbreytt og má þar nefna gistihús bænda,sveitahótel,heimagistinguogsumarhús. Þá eru afþreyingarmöguleikar aldrei langt undan og má t.d. nefna merktar gönguleiðir, hestaferðir/hestasýningar, golf, veiði, fjórhjólaferðir, kynningu á sveitastörfum og afslöppun í heitum potti.

Pantaðu bæklinginn í pósti