Beint frá Býli | Félag heimavinnsluaðila

Leirulækur

Við hjá Mýranauti seljum aðeins fyrsta flokks ungnautakjöt.

Gripunum er slátrað í Sláturhúsinu á Hellu sem sér um að úrbeina og sérpakka kjötinu í neytendaumbúðir að óskum viðskiptavina. Lágmarkspöntun er ¼ af skrokk eða 40–50 kg af kjöti sem skiptis í steikur,gúllas og hakkað kjöt. Í hverjum pakka eru eftirfarandi steikur sem allar eru merktar með nafni og þyngd: entrecote, sirloinsteik, lund, ribeye, innanlæri, flatsteik og klumpur. Viðskiptavinir okkar ákveða sjálfir það magn af hakki og gúllasi sem fer í hverja pakkningu. Algengasta magn í hverja pakkningu er 500 gr en það fer að sjálfsögðu eftir fjölskyldustærð. Verð 1600.-kr/kg Hægt er að fá hamborgara gegn vægu aukagjaldi. Hamborgararnir eru 115 gr að þyngd og er pakkað 5 saman í pakka.

Einnig er hægt að kaupa heila eða hálfa skrokka með beini.

Leirulækur selur lambakjöt í sláturtíðinni.