Beint frá Býli | Félag heimavinnsluaðila

Er hitameðhöndlun mjólkur óþörf? Arla, dansk-sænska mjólkurbúið, hefur nú sótt um heimild í Danmörku til þess að framleiða ost úr ógerilsneyddri hrámjólk.

Fréttir

02. júlí 2010 - Lestrar 70 - Athugasemdir (1)
Arla, dansk-sænska mjólkurbúið, hefur nú sótt um heimild í Danmörku til þess að framleiða ost úr ógerilsneyddri hrámjólk. Í Danmörku, rétt eins og hér á landi, hefur verið óheimilt í áratugi að framleiða ferskvörur með slíkum hætti. Tilgangurinn er að sækja inn á sérvörumarkaði með nýjar mjólkurvörur, sér í lagi ýmsa sérosta sem þroskast með öðrum hætti með slíku hráefni.

Arla hefur nú um all langt skeið verið með prófanir í gangi á mjólkurvörum unnum úr ómeðhöndlaðri mjólk. Benda allar niðurstöður til þess að auðvelt sé að framleiða mjólkurvörur með öruggum hætti gagnvart heilbrigði fólks, án þess að til gerilsneyðingar komi. Þessi niðurstaða kemur væntanlega fáum íslenskum kúabændum á óvart, enda drekka flestir kúabændur mjólkina "beint úr tankinum" og hafa braggast ljómandi vel á liðnum áratugum!

 

SS - Landbrugsavisen



Til baka

Andri - miðvikudagur 14.júl.10 14:40
Loksins eru menn að átta sig á þessari vitleysu. Gerilsneyðing og fitusprenging mjólkur skemmir hana og er ástæðan fyrir þessum "mjólkuróþols" faraldri.
Skrifa athugasemd





captcha
Sláðu inn stafina sem birtast á myndinni í reitinn hér fyrir ofan


Framsetning efnis

  • A-
  • A+
moya - Útgáfa 1.13 2009 - Stefna ehf