Beint frá Býli | Félag heimavinnsluaðila

Beint frá býli hefur eins og margir vita verið í samstarfi við   Ferðaþjónustu bænda og Opinn landbúnað hvað varðar kynningarefni og markaðssetningu síðasta árið. Sameiginlega tóku þessir aðilar þátt í ferðasýningu í Laugardalshöllinni í maí á síðasta ári og voru þar nokkrir bændur frá BfB að kynna sína vöru. Nú er komið að næstu sýningu sem heitir Íslandsperlur og verður haldin í Perlunni 1. – 2. maí.

Tilgangurinn með sýningunni er að:

•          að sýna og kynna fjölbreytileikann í ferðaþjónustunni á Íslandi

•          að veita almenningi tækifæri til að koma á einn stað í þeim tilgangi að kynna sér ferðaþjónustuna á Íslandi, smakka, skoða, spjalla og spyrja.

•          að koma á framfæri nýjungum í ferðaþjónustu á komandi sumri, s.s. afþreyingu, bæjarhátíðir, gönguvikur, viðburði og fl.

•          að kynna sérstaklega náttúrutengda ferðamennsku, s.s. fuglaskoðun, selaskoðun, hvalaskoðun, fjöruna og fjallið og til viðbótar, menninguna, söfn og sýningar, golfvellina, skíðasvæðin, heilsuferðaþjónustu og almannaþjónustu s.s. sundlaugar, tjaldsvæði og fl.

•          að kynna og sýna innlenda matvælaframleiðslu (beint frá býli, matarklasa landshlutanna)

•          að kynna starfsemi og samstarf hlutaðeigandi aðila fyrir almenningi, stuðningsaðila þeirra, ríki, sveitarfélögum og fyrirtækjum í greininni.

•          að efla enn frekar samstarfið á milli landshluta, svæða, fyrirtækja og einstaklinga og að samstarfsaðilar okkar sjái hvað við erum að gera og verði varir við það.

•          að kynna sérstaklega Upplýsingamiðstöðvar á landinu og þjónustu þeirra !

•          að kynna starfsemi Ferðamálastofu.

•          Að sýningin virki hvetjandi á landann til að ferðast um ALLT landið á þessu ári.

 

 

Stefnt er að því að a.m.k. 15-18.000 manns heimsæki sýninguna í Perlunni. Sýningin verður auglýst í helstu miðlum – dagblöðum, útvarpi og sjónvarpi vikuna fyrir. Einnig verða að öllum líkindum gerðir útvarpsþættir í tengslum við hana.