Flýtilyklar
Matarvirkið á Hvammstanga að taka til starfa
Matarvirkið
Matarvirkið á Hvammstanga byggir á sömu hugmynd og Matvælasmiðja Matís á Hornafirði.
Í Matarvirkinu gefst áhugasömum tækifæri til að
þróa og framleiða matvæli án þess að fjárfesta í nauðsynlegri aðstöðu. Þeir sem það vilja geta nýtt
sér þekkingu kjötiðnaðarmanns við vinnslu og þróun matvæla ásamt því að fá aðgang að nauðsynlegum
tækjum og tólum til þess.
Á undanförnum árum hefur það færst í aukana að
bændur
bjóði vörur sína til sölu beint frá býli. Þeim sem
það kjósa eru þó settar ákveðnar skorður því ekki má selja vörur nema þær hafi verið unnar í
viðurkenndri aðstöðu.
Að koma upp slíkri aðstöðu er kostnaðarsamt og hefur þess vegna
letjandi áhrif á þá sem áhuga hafa á sölu afurða beint frá býli.
Því mun þjónustan sem Matarvirkið býður uppá
auðvelda bændum að selja vörur sínar beint frá býli.
Markmið
-
Koma til móts við óskir áhugasamra aðila um um matartengda ferðaþjónustu
-
Efla þróun, nýsköpun og markaðssetningu matvæla
- Styrkja atvinnulíf og efla virðisaukandi framleiðslu matvæla úr héraði
Fyrir hverja er Matarvirkið
-
Bændur sem vilja vinna úr sínum afurðum og bjóða þær til sölu undir merkjum Beint frá Býli
-
Aðila í ferðaþjónustu sem vilja bjóða upp á vörur úr héraði
-
Alla þá sem hafa áhuga á þróun og sölu á matvælum
