Beint frß Břli | FÚlag heimavinnslua­ila

Beint frá býli, félag heimavinnsluaðila - vinnsla og sala á heimaunnum afurðum á íslenskum sveitabæjum

Hßafell


Ábúendur á Háafelli eru hjónin Jóhanna B Þorvaldsdóttir og Þorbjörn Oddsson.
Við tókum við búi af foreldrum Jóhönnu árið 1989 og bjuggum fyrst með blandað bú, kýr og kindur. En síðan 2004 hefur aðaláherslan verið lögð á geitfjárrækt.
Við eigum sex börn sem flest eru uppkomin og tvö barnabörn svo það er oft fjör á bænum.
Áhuginn fyrir geitunum var í byrjun mestur á verndun og viðhaldi þessara skemmtilegu dýra sem eru í mikilli útrýmingahættu vegna fæðar og almenns áhugaleysi fyrir þeim til margra ára. En nú er orðin breyting þar á til hins betra og áhugi almennings fyrir geitunum og afurðum þeirra hefur stóraukist á síðustu árum. Gæði og hollusta geitamjólkurinnar hefur líka heillað mig til margra ára og tel ég mjög mikilvægt að þessar afurðir séu aðgengilegar fyrir almenning.

Geitfjársetur var formlega opnað á Háafelli 21. júlí 2012 og hefur það fengið frábærar móttökur og gestum fjölgar á milli ára. Margir eiga orðið hér fósturgeitur sem þeir koma og heimsækja og leggjum við mikið upp úr að fræða gesti um sögu geitanna og um afurðir þeirra. Á bænum eru 185 vetrarfóðraðar geitur og á sumrin bætast við hátt í 200 kiðlingar. Hér eru einnig 30 kindur 6 hestar, landnámshænur og silkihænur. Tveir hundar og fjórar kisur.

Við tökum á móti öllum sem vilja kynnast íslensku geitinni og afurðum hennar bæði einstaklingum og hópum. Í Geitfjársetrinu er lítil verslun, góð móttökuaðstaða og afþreying fyrir börnin.

Á Háafelli er einnig rósagarður með um 180 tegundum rósa ásamt öðrum yndisgróðri.

Bendum við á Facebókarsíðuna Geitfjársetur



OpnunartÝmi:
1. j˙nÝ til 31. ßg˙st frß kl. 13-18 og allt ßri­ eftir samkomulagi.

Břli­
Jˇhanna B Ůorvaldsdˇttir
Hßafell, 320 Borgarnes
haafell@gmail.com
http://www.geitur.is

V÷rur Ý bo­i, sent e­a sˇtt
Ki­linga og geitakj÷t, geitaostar, egg, h˙­krem og sßpur ˙r geitamjˇlk og tˇlg, geitast÷kur (skinn) og handverk ˙r geitaskinni, ofl.

Pantanir
haafell@gmail.com
Merki fyrirtŠkis
Vesturland
Auglřsing

SvŠ­i

Framsetning efnis

moya - Útgáfa 1.13 2009 - Stefna ehf