Beint frá Býli | Félag heimavinnsluaðila

Bjarteyjarsandur

Bjarteyjarsandur er fjölskyldubú, þar sem stunduð er sauðfjárrækt, ferðaþjónusta og fátt eitt annað.

Ferðaþjónustan er grundvölluð á matvælaframleiðslunni og gestum er boðið í heimsókn í fjárhúsin.

Gönguferðir um nærumhverfið, svo sem eins og í fjöruna eru alltaf vinsælar en einnig er í boði leiðsögn um önnur svæði í Hvalfirði.

Móttaka skólahópa er fastur liður í starfseminni.

Hægt er að gista á Bjarteyjarsandi, hvort heldur sem það er í tjaldi, í sumarhúsi eða heima á bæ.

Á Bjarteyjarsandi hefur um árabil verið rekið Gallerý Álfhóll og þar er að finna fjölbreyttan varning framleiddan af heimafólki og hagleiksfólki í nágrenni við bæinn.

Má þar nefna glerlistaverk, skartgripi úr hvalskíðum, húfur, vettlinga og aðrar ullarvörur, skinnvarning, sultur, brauð, fíflahunang og fleira og fleira.

Sjón er sögu ríkari!